Uppskrift
- 3 dl hveiti
- 1 dl heilhveiti
- ½ tsk salt
- 1 tsk óreganó
- ½ tsk timían
- 2 tsk lyftiduft
- 1 dl rifinn ostur
- 2 dl hrein jógúrt/hrein soja- eða hafrajógúrt
- 1 msl matarolía
Aðferð:
- Hitið ofninn í 250°C og blástur.
- Setjið allt hráefnið saman í eina skál
- Blandið öllu hráefninu saman og hrærið þar til deigið er jafnt.
- Setjið deigið á borð með smá hveiti þar undir og hnoðið það aðeins.
- Skiptið deiginu í tvo hluta með hníf.
- Fletjið hvorn hluta fyrir sig út með kefli eða höndum í kringlóttar skonsur þar til þær eru 1 cm á þykkt.
- Pikkið í þær með gaffli og skiptið þeim varlega með hníf í fjóra hluta en gætið þess að skera ekki í gegn.
• Bakið skonsurnar í ofni í 10-12 mín.
Skonsurnar eru tilvaldar með heitum mat, pottréttum, grænmetisréttum, súpum og þess háttar. Einnig er hægt er að bæta bara við smá smjöri og hvítlaukskryddi og þá er komið hvítlauks-skonsur.
Við borðuðum okkar skonsur með smjöri og soðnu eggi við hlið heimalagaðri tómatsúpu og var það alveg frábær mettandi hádegismatur í takt við þessa köldu blautu árstíð sem er hafin.
Skonsurnar eru afskaplega góðar á bragðið. Þær hafa mjúka áferð og auðvelt er að skera og smyrja án þess að þær ryfna. Skonsurnar eru mjög vinsælar hjá stelpunum mínum (6 og 9 ára) og kjósa þær að hafa skonsurnar bara með sjöri og stundum soðnu eggi en við hituðum þær upp aðeins í hvert skipti til þess að þær virtust aftur nýbakaðar.
Svo skelltum við restinni í frysti sem við náðum ekki að klára, til þess að eiga með næst þegar við höfum súpu eða annan heitan rétt.
Uppskriftin er innblástin úr bókinni Eldað í dagsins önn bls. 121 eftir Stefaníu Valdísi Stefánsdóttur.